Über Paviane
"Wir basteln uns einen Pavian.", sagte der Broadmoa Gust zu seinem "Buam" und legte ihn über das Knie.

Über die Arbeit
"Das ist eine schöne Arbeit" sagte der Broadmoa Gust zum Schuasta Schorschi, als der den Stall ausmistete, "da könnt ich stundenlang zuschaun."

Über das Internet
So des Internet, samma ehrlich, is doch des wahre Leben. Wos ham denn de Leid friaras ohne Intanet gmacht, de ham doch glebt, ohne zu wissen, wia as Wahre Leben geht. Des Lem ist doch nix anderes als wia a Simulation vom Internet. A Stammtisch is doch a billiger Abklatsch von am Chat-room. Zu Diskussionsrundn geh ich doch blos, wenn i koa gscheids Forum find. Und a Gästebuch aus Papier ist doch bloß fia Leid, de koan Internetanschluss ham. Des Lem do draußn ist a Surrogat fian Computa.

Über die SPD
I moan, wia gehts denn zua bei a Ortsvasammlung von da SPD? A paar Zuazogne san da, de von nix a Ahnung ham, oba as Mai weit afreißn. Und a paar oide, so unvawüstliche, Junge geha eh kaam mehr hin. Do hockas dann do, de Gruftis, hean daans eh nimma gscheid, oba wenn oana iagand an Bledsinn vezapft, dann nickns andächtig. I woaß net, ob ihr de Buidln aus de Western kennts, wenn se oana so halb vaduastet durch de Wüstn schleppt. Auf iagend am vadorrtn Ast sitzn a paar Geia und wartn. Wenn de von da SPD a Ortsvereinsvasammlung macha, sitzn de Geia am Fenstabrettl. Eigendlich miaßatn de zu jeda Vasammlung aa no an Notarzt mit eiladn. Oba a Notarzt geht dene aa koana hin. Wenn se des rum spricht, daß se dea fia de hergibt, hot a bold koane Patientn mehr.

Über Weihnachtsfeiern
A so hast de ganze Adventzeit dein Streß. I geh zwar gern hi, i moan, so a Weihnachtsfeia is koa trockne Sach, oba a jede Nacht so a Feia, des is scho anstrengend, vor allem wenn se Termine übaschneidn. Da hetzt dann vom Pfarrheim zum Wirt und vom Wirt ins Feiawehrhaus und danoch hoam und des ois mitn Auto und net wenig Alkohol. Gott sei Dank kummt zu uns so guat wia nia a Polizei naus. Also, de Termine von de Gemeindratssitzungen, de hot de Polizei, und i muß song, de san do sehr kooperativ, Nach de Gemeinderatssitzungen do gemma zum Wirt, und wenn mia dann hoam fahrn, dann werd halt der potentielle Gegenverkehr präventiv a Zeitlang zruckgholtn.

Über den Frauennotruf
Wenn mei Frau weg is, wer kocht ma wos zum essn und wer büglt mia? Hob i in meina Not den Frauennotruf ogruafa, ja den gibt's in Rosnheim. Song de mia glatt, dafia waarns ned zuaständig, sie waarn ned fia de Manna do, sondern fia de Fraua, de in Not geratn. Ja so ein Schmarrn. I moan, Tierschutzverein laß i mia ja no eigeh, oba Frauennotruf, fia wos brauchts denn an Frauennotruf. In welcha Not soll do a Frau sei, dass den braucht? Samma ehrlich, es schlogt doch koana sein Frau, zumindest ned ohne Grund. I moan, guat, es kannt scho amol sei, dass mia d'Händ ausrutscht, wenns ma ams koa Bier holt, oda wenns zamm follt as Bier, weils ned gscheid abgschpült hod, oda wenns beim Fernseng bei am Fuaßballspui dazwischn labat, de Frau, dann kannts scho amol sein, oba schließlich is mei Frau, des geht doch koam andern wos oo, wos i mid meina Frau mach. Und vor allem, i schlogs doch ned a so, dass an Frauennotruaf braucht. Also, mei Frau, wenn den Frauennotruaf oruafa daarat, du, des brauchat sa se ned alaum, de daat i a so herwatschn, du, des machats koa zwoats Mol, des daat sa se merka.

Über Bionahrung
Übahaupts diese Ökos, fressn bloß Bio. I moan, wia sollstn do abgehärtet wern, wennst imma nua de unspritztn Sachan frißt. Wia sollstn do immun wern gega de Pflanzngifte, wennst nia oans zu dia gnumma host. Und wia soll oana restistent gega des Nitrat wern, wenn er nia oans sauft.

Über amerikanische Stimmenauszählung
Is ja aa koa Wunder, dass de so lang midn Zähln braucha. Habts ihr gesehn, wia de zähln? Oana hebt den Stimmzettel hoch, drei nickn. Je oa Demokrat und oa Republikana daat doch da zum Zähln reicha, -- wenns strittige Wahlzettel gibt, entscheidet der Wahlleiter. Genauso machas mia in Transvesting bei der Buagamoastawahl. Oana schreibt und oana kontrolliert. Ja, Genau so machas mia. Mit oana Ausnahme, da san beide von der CSU.

Über Kreuze
Gott sei dank wern etzt überoll Kreiza afgstellt. De Jäga ham aa ihren Willen bekundet, daß in de Wälda mehr Kreiza afstelln wolln, wahrscheinlich daß de Reh an Untaschlupf findn, wenn de Baim sterbm.

Über die Trinkgewohnheiten
Es hod no an Vorteil, wennst bei da CSU bist, do konnst saufa wosd wuist. Und wennst dein Verstand versaufst, des macht nix, fiad CSU reichts ollemol. Habst eich scho amol so Stammtischbriada ogschaut, wenns saufa, mid oana Hend holtn sa se am Bierkruag fest, und richtig gebückt sitzns do. Ja, des is de Lufthoheit üba de Stammtisch, und deren Nivo is ned so hoch. Do muaßt de bucka, sunst geht de Lufthoheit ins Aug.

Über die CSU
Visionen muaßt ham, dann brauchst koa Konzept. I moan, hod de CSU scho oamol a Konzept habt? Gsogt hams des, wos mia hern wolln und gmacht hams des, wos de wolln, de dafia zohln. Ja mei, wer zahlt schafft o. Und da Oba sticht den Unta. So macht ma erfolgreiche Politik.

Über Fitness
Na, aa um fit zu bleim radlt i so richtig, ja, wißts scho, mid am Fahrrad em. Also, hundert Kilometa im Jahr mecht i do scho zamm bringa, ja mei, fia mei Gsundheit is mia des scho wichtig. Also, des mid de Hundert Kilometa is dann scho eng gwordn, weil, samma ehrlich, ma nimmt hald doch as Auto, wenn ma beim Becka Semmln holt oda schnell Zigarettn braucht. Oba ganz bin i ja doch ned aufn Kopf gfolln, de 100 Kilomata hob i locka gschafft. I hob mia fia mein Tacho ins Vordaradl an zwoatn Magnetn eibaut, mid oam Schlog fahrt ma dopplt so schnell und vor allem doppelt so weid. Und a so bleib i sportlich fit. Is ja aa wichtig fia de Gesundheit.

Über Doping
Wos soll denn beim Dopn so schlimm sei, i gib zua, i dop ja aa, beim Bettnsport. Do gibt's so blaue Tablettn. Des san a Stehhilfe, sozusang de Krücke des kleinen Mannes.

Über Hierarchie
Ab und zua gibts natürlich oa, de findn se mit der Ordnung net ab. Zum Beispiel bei uns in Transvesting, do mandln se zur Zeit de Zuazogna auf, oba de ham koa Schangse, solangs net am katholischn Männavarein beitretn. I stell ma des so bildlich vor: A arbeitslose Negarin, evangelisch, nei zuazogn Transvesting aus Dresdn. Und zwengs da gesellschaftlichn Anerkennung stellts an Aufnahmeantrag in katholischn Männavarein.

Über Spenden
In da Volkschul, do hamma in da Klass imma gsammlt, dass a Näga in Afrika tauft wern hod kenna. 21 Mark, des woaß i no, hod des kost und dann hod ma se sogar an Nama fia den Buam aussucha kenna. Den erstn, aa des woaß i no, hamma Karl Helmut gnennt, weil da Karl und de Helmut am meistn spendiert ham. Damals hod ma von der Parteispendnaffäre no nix gwußt, do hod ma de Kinda no bedenkenlos Helmut taufa kenna, zu der Zeit hod ma bloß bei Adolf Hemmungen ghabt. Do hamma dann a Urkundn kriagt, mid am Buidl von dem Buam. Der Bua, hod grod in so a riesigs Melonastickl bissn und a weng verschmitzt in de Kamera gstrahlt. Und dann is dabei gstandn, dass der Bua durch unsa Spende af den Nama Karl Helmut tauft worn is. Do warn ma olle scho a bißerl stolz, dass des kloane Heidnkind durch uns vor der ewign Verdammnis bewahrt worn is. Andraseits, I moan, a bißerl hod mia der Bua scho leid toa, hamm nam seine Eltern 8 Jahr lang Lumumba oda so gnennt, und etzt hoaßt er af oamol Karl Helmut, wega a paar so Missionare.
Des Buidl hamma dann im Klasszimma afghängt, und weils uns so gfolln hod und mia so stolz warn, hamma glei fian nächsten gsammlt. Bold is dann a Buidl von am Heinrich Peter dazu kemma, der hod zwar koa Melone ghabt. Trotzdem hod er genauso glücklich in de Kamera grinst.
Beim drittn Täufling is dann wos ganz seltames passiert, der Bua is zwar, wia mia des wolln ham, af Bernhard Fritz tauft worn, oba es war der gleiche Melona-Bua wia von der erstn Urkundn. Do samma scho olle etwas ins Grübln kemma. San etzt dene in Afrika do druntn, de Nägakinda ausganga! Taufa miaßns oba oan, as Geld hams ja kriagt. Etzt hod der arme Lumumba a Jahr lang Karl Helmut ghoaßn, kaam hod er se dro gwehnt, scho hoaßt er Bernhard Fritz. Ja san denn de Missionare unta de Wiedatäufa ganga! Vielleicht ham aa de Kinda gsogt, also fia 21 Mark laß i mia koan so an komischn weißn Nama gem.

Über Entwicklungshilfe
Scho von kloa af wern ma draf trimmt, fia de Schwarzn Geld zu sammeln. Bloß des mid de Schwarzn miaßn a paar folsch verstandn ham, de ham da CDU spendiert. Früha, wenn ma de Schwarzn wos spendiert hod, hod ma a Urkundn kriegt, heid wenn ma de Schwarzn vui gnua spendiert, kriagt ma dafia de Leuna-Werke.

Über Castor-Transporte
De Castor-Transporte, de Proteste dagegn, waarn friaras ned vorkemma, beim Hitla, oda in da DDR, da waar de Eisenbahn voll durchgfahrn, de spritzn scho auseinader, de Berufsprotestierer. De oan rechtzeitig, de andern zu spät, oba af jedn Fall spritzns.

Hauptseite