Vor diesem Gedicht sollte man unbedingt den Einleitungstext lesen.

Ablassgedicht

Weil i gern in Urlaub fahr
Und dabei s'Benzin net spar,
Weil's Erdöl bald zu Ende geht
Und ohne Erdöl garnix geht,
Weil d'Kernkraft bald as Öl ersetzt
Und de hat scho so vui valetzt,
Weil s'Erdöl etzt bald afbraucht is
Und d'Kernkraft mia zu gfährlich is,
Drum
Bring i mi um.

Weil ohne Raketn da Kriag ausbricht
Weil oa Raketn ois vanicht,
Weil jada, dea Waffn produziert
Ohne Rüstung an Job valiert,
Und weils net glanga, wos scho ham
Und mea wolln, wia de Andern ham,
Weil da Oa den Andern auffetreibt
Und uns so koa Hoffnung bleibt
Drum
Bring i mi um.

Weil i a Coladosn net zuruck gem muaß
Schubs is weggat mit'n Fuaß,
Weil so a Dosn praktisch is
Doch da Vorrat net unendlich is
Weil d'Vorrät imma rara wern
Und Rohstoff imma teira wern
Und weil i niamals daran glaab,
Daß de Rohstoff ewig gaab,
Drum
Bring i mi um.

Weil d'Bauan Chemie af d'Felda tean
Weil mia sunst voa Hunga steam
Weil d'Chemie vui Wärme braucht
Und drum aa da Schornstoa raucht
Weil d'Baam drum imma wenga wern
Und d'Leit bald an Vagiftung steam,
Und weils fia d'Baim scho Dünga strahn
Und den Teiflskreis no schnella drahn,
Drum
Bring i mi um.

Doch vorher laaf i no Amok und daschiaß a paar von denen
De se bloß nach Macht und Reichtum sehnen.
Den Fabrikantn, den fettn, der den Saustall produziert,
Den Politika den Schwarzn, der nua Wachstum propagiert,
Den Wissnschaftla ohne Gwissn, der de Sauerein erfand,
Den Aktionär im Dunkeln, der bloß aufhalt seine Hand,
Den Oberst in da Kasern, der noch neie Waffn scheit,
Den Reporter von der Presse, der den Dreck no sauba schreibt.
Doch zum Schluß kimmt mia in Sinn,
Daß i am ganzn Chaos selbst mit schuldig gwordn bin.
Hob i selba doch mei Lebn nix anders toa als konsumiert,
Mi fia Probleme unsra Kinda nie so richtig intressiert,
Hab aufbraucht, was d'Natur geschaffn,
Hob mitgmacht mit de andern Affn,
Und wia i, wos gschpielt wird hob begriffn
Hot de Panik mich ergriffn.
Wia i gmerkt hob, worum daß geht,
War des ois scho längst zu spät.
Und darum
Bring i mi um.

Zurück zu Literatur