Aus Zufällen besteht des Lem
Es is a ständigs Krian und Gem

Zufällig hod a Schul an Job
Fürs Fach wo i Examen hob.
Dazu warn meine Stärken wichtig
Drum wari fia den Job grod richtig.
Meina Arbat hams vertraut
Neamd hod ma überd Schulta gschaut.
I hob den Zufall nie bereit
Drum hob i garbat mit viu Freid
Dann wurd as Klima recht beschissn
Da hob i halt as Handtuch gschmissn.

Zufällig schlag i d'Zeitung auf
Da steht a Haus drin, zum Verkauf
Oisam passt, Preis, Größe, Lage
Des muaß i kaffa keine Frage.
Bevor de Preise weida steing,
Hob i ghabt ei eigens Heim.
I eignes Haus hätt i nia gschafft
Hätt damals i so schnell ned kafft.
Mia wollten wieder städtisch lem
Drum hammas Haus dann doch hergem.

I wollt mia grod a Cola kaffa
Is üba Weg a Frau mia glaffa
I hobs dann nach ein paar Stunden,
ohne Suacha wieda gfunden
Mia wollten einfach zamma bleim
Und de Einsamkeit vertreim.
Zu mia hods gholtn als ihr Mann
Bis mia dann zamma gwachsen san.
Zwoa Töchter hod sie uns geborn
Aus beiden is wos Gscheides gworn.

Weil i dem Zufall oft vertrau
Hob i kriagt Haus, Job und Frau
Im Leben fliagt oam manches zu
Mei bester Zufall der warst du.

Mia kenna midananda lacha
Wolln den gleichn Urlaub macha
Was dir schmeckt, iss i aa gern
Mia wolln de gleiche Musik hern.
Mia tretn ei fia oa Partei
Und unsa Denga, des is frei.
I konn dir ollaweil vertraun
Und auf dei Urteil konn i baun
Anders wia i, woaßt du genau
Nix zu sang, is aa ganz schlau
Des hoaßt dann aa, du bist ned bled
Und hättst koa eigne Meinung ned.

Oans woaß i desweng ganz genau
Du bist fia mi de beste Frau

Doch Zufall reicht oft ned alloa
Ma muaß fias Glick scho ebbas toa
Ma muaß aa manchmol nochgem kenna
und af den andern Rücksicht nemma
Dann kimmt zum Zufall Glick dazu
Mei größtes Glick im Lem bist du.

Zurück zu Literatur