Manches Mol bild i mia ei I mechat aa a Gutmensch sei Doch übas Guadsei konn ma streitn Wia ois hods Guatsei aa zwoa Seitn Und weil i gern Querdenka *) bin Kummt mia des andre oft in Sinn. Mia follt so manches ei dazua Weil Beispiele dafia gibt's gnua. Es gibt a Kind in Bangla Desch Des näht zusammen meine Wäsch. Doch Kinderarbeit ist sehr schlecht Und widerspricht aa unserm Recht Kaf i etzt nur no so a Gwand Des gmacht worn is in unsam Land Dann hungert in Ost-Pakistan A Kind mid seim ganzn Clan Ganz egal, wos i aa mach Es steckt aa drin a schlechte Sach. Seit meiner Jugend hob i ghört Dass Frachtgut auf de Bahn gehört Fürd Umwelt soll des besser sei Und Straßen wern aa wieder frei I rast jedoch gewaltig aus, Planas a Trassn vor meim Haus Do schrei i dann, so laut wias geht A Bahn vorm Haus, des will i ned. A Bahnhof hod nur dann an Sinn Geha do aa Gleise hin. Mi gfreit a AfD-Plakat Des oana an sei Haus bappt hat Do geht's ma nämlich richtig guat Wenn sich a Arschloch autn tuat. Weil dann woaß i ganz genau Do drin, da wohnt a blede Sau. Find des Plakat i aa beschissn Von mia wird niemals runta grissn. Ganz egal, wos i aa dua Mei Gwissen gibt dabei a Ruah. I krieag Alpenwasser guat und klar Aus da Leitung s'ganze Jahr. Mein Nachbar oba, der kriagt bloß Braunes Wasser ausm Moos. Drum denkt se mei Nachbar etz Mia hänga doch am gleichn Netz Und Ihr sogts aa, des gibt's doch ned, Ökostrom zoagt eich, wia des geht. Ganz egal, wos i vollbring In allen steckt a guades Ding. A Bio-Rindvieh auf der Wiesen Konn Sonne, Luft und Klee genießn Es is a Freid, wia guats dem geht So a Viech, des schlacht ma ned. Andres glagert is der Fall Lebt so a Rind nua in am Stall Des Vieh erlös i von dem Graus Und mach a guade Mahlzeit draus. Ganz egal, wos i aa mach In Allem steckt a guade Sach. Manches Mol bild i mia ei I mecht aa a Gutmensch sei Doch übas Guadsei konn ma streitn Wia ois hods Guatsei aa zwoa Seitn.

*) Anmerkung: Das Gedicht entstand im Frühjahr 2019, als es noch kein Corona gab. Wenn sich nun Leute als Querdenker bezeichnen, Leute die Verschwörungswahnsinn glauben und verbreiten und Impfungen verweigern, schreib ich wegen diesen Querdeppen mein Gedicht nicht um. Ich sehe mich als Querdenker, weil ich bereit bin, Dinge auch von der anderen Seite zu beleuchten.